Ijtimoiy obyektlar rekonstruksiyasi — doimiy nazoratda!

 O'zbekiston Respublikasi Prezidentining PQ-393 sonli qaroriga muvofiq ijtimoiy obyektlarni rekonstruksiya qilish va qo‘shimcha binolar qurish dasturi doirasida bir qator muhim ishlar amalga oshirilmoqda. 

  Jumladan, Pastdarg‘om tumani tibbiyot birlashmasining markaziy shifoxonasidagi oqova suv tarmog‘ini mukammal ta’mirlash ishlari xalq deputatlri Pastdarg'om tuman Kengashi kotibiyat mudiri F.Xolmuratova tomonidan joyiga chiqib o‘rganildi. 

  O‘rganish davomida amalga oshirilayotgan ishlar sifati hamda belgilangan muddatlarga rioya etilishi atroflicha ko‘zdan kechirildi. Mas’ullarga o‘z vaqtida va sifatli yakunlash bo‘yicha tegishli ko‘rsatmalar berildi. 

 Mazkur loyiha tibbiyot muassasasining sanitariya holatini yaxshilash, bemorlar va tibbiyot xodimlari uchun yanada qulay shart-sharoitlar yaratishga xizmat qiladi. 

 Ijtimoiy sohadagi bunday islohotlar aholi salomatligini muhofaza qilishda muhim ahamiyat kasb etadi!