2024-yil 20-iyun kuni Xalq deputatlari Kattaqo‘rg‘on tuman Kengashining 102-sesssiya o‘tkazildi.

Tuman Kengashi sessiyasida viloyat va tuman Kengashi deputatlari, ommaviy axborot vositalari vakillari (Kattaqo‘rg‘on kecha va bugun gazetasi), siyosiy partiya vakillari ishtirok etishdi.Xususan, tuman Kengashida xuquqni muhofaza qiluvchi organlarning hisobotini eshitish va qonun ustuvorligini ta’minlash samaradorligini oshirish bo‘yicha tartibi, tuman Kengashi deputatlari va kotibiyat hodimlarinig xorijiy
mamlakatlarga chiqish to‘g‘risidagi nizomi, tuman Kengashi deputatlarining o‘z saylovchilari oldida axborot berib borish va aniqlangan muammolarni tuman Kengashi muhokamasiga kiritilishi tartibi, aholi bandligini ta’minlash va tadbirkorlikni rivojlantirish, maktabgacha ta’limga qamrov darajasini oshirish, Adliya bo‘limi faoliyatida aholi huquqiy onggini oshirish bo‘yicha amalga oshirilgan ishlar tuman Kengashi deputatlari tomonidan muhokama qilindi. 

Muhokama davomida ko‘rsatib o‘tilgan ta’lim, tibbiyot, iqtisodiyot va aholining tadbirkorlik faoliyatini kengaytirish, yoshlarni zamonaviy kasb-hunarga jalb etish bo‘yicha muzokaralar olib borilib, tegishli mutasaddi korxona va tashkilot rahbarlariga ko‘rsatma va topshiriqlar berildi. Sessiya ishida tuman Kengashi deputatlari tomonidan bildirilgan takliflar asosida tuman Kengashi qarorlari qabul qilindi.