QARAQALPAQSTAN RESPUBLIKASI JOQARǴI KEŃES DEPUTATLARINIŃ USHÍRASÍWLARI DAWAM ETPEKTE.

Kegeyli rayonı “Qumshungul” awıl puqaralar jıyını aymaǵındaǵı 24-sanlı ulıwma bilim beriw mektebinde Qaraqalpaqstan Respublikası Joqarǵı Keńesiniń 2026-jıl 6-aprel kúngi 100/X-sanlı sessiya qararına muwapıq Qaraqalpaqstan Respublikası Joqarǵı Keńesine ÓzXDP deputat B.Habibullaev tárepinen Respublikamızda ámelge asırılǵan reformalar haqqında keń jámiyetshilikke jetkeriw hám saylawshılardıń múrájatların tıńlaw maqsetinde ushırasıw bolıp ótti.

Ushırasıwǵa Xalıq deputatları rayonlıq Keńes Sekretariat baslıǵı B.Iskenderov, rayonlıq Keńes deputatı M.Mırzataev, kóshe biyleri, aymaq turǵınları hámde puqaralar jıyını wákilleri qatnastı.

Sonday-aq, ushırasıwda bayanatshilar Prezidentimizdiń Qaraqalpaqstan Respublikası ushın óz aldına qabıl etilgen qarar hám pármanları, áhmiyetli hújjetler tiykarında xalıqtıń abadan turmısın támiyinlew boyınsha ámelge asırılıp atırǵan keń kólemli ilajlar haqqında túsinikler beriliwi menen bir qatarda deputatlar tárepinen puqaralar ushın qabıllaw shólkemlestirildi.