Aholining murojaati deputat tomonidan o‘rganildi

🔹O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonuniga muvofiq xalq deputatlari Bo‘stonliq tumani Kengashi raisi, 2-“Qo‘shqo‘rg‘on” saylov okrugi deputati O.Babayev tomonidan tuman hokimi o‘rinbosari A.Rixsitillayev bilan birgalikda tumanning “Qo‘shqo‘rg‘on” mahallasi aholisining ichki yo‘llarni ta’mirlash ishlari sifati yuzasidan bildirgan murojaatini joyiga chiqqan holda o‘rgandilar.

🔹O‘rganish davomida 2025-yil 2-mavsum “Tashabbusli budjet” loyihasida g‘olib bo‘lgan taklif – mahallaning Beshko‘cha, Zebiniso, Al-Farg‘oniy ko‘chalaridagi ichki yo‘llarni asfaltlashtirish bo‘yicha amalga oshirilgan ishlar sifati o‘rganildi.

🔹Aniqlangan kamchiliklarni qisqa muddatlarda bartaraf etish yuzasidan pudratchi tashkilotga tegishli ko‘rsatmalar berildi.