Xalıq deputatları Qanlıkól rayonlıq Keńesi sekretariat baslıǵı T.Mamutov rayondaǵı Mámleketlik xızmetler orayında puqaralarǵa jaratılǵan imkaniyatlar menen jaqınnan tanıstı.

Mámleketlik xizmetlerdiń sapasın jaqsılaw, puqaralarǵa qolaylıq jaratıw hám ashıqlıqtı támiyinlew maqsetinde mámleketlik xizmet kórsetiw orayları hám puqaralıq aktların jazıw (PHAJ) organlarında ámelge asırılıp atırǵan jumıslar úyrenildi.

Úyreniw barısında puqaralarǵa kórsetilip atırǵan xizmetlerdiń sapası, múddetleri hám qolaylıqları arnawlı tártipte talqılandı. Ásirese, xizmet alıwshılar úshin jaratılǵan jaǵdaylar, kútiw waqıtı, elektron sistema arqalı kórsetilip atırǵan xizmetler hám xızmetkerlerdiń puqaralarǵa múnásabetine ayrıqsha itibar berildi.

Sonıń menen birge, PHAJ organlarında tuwılıw, nekege turıw, ajırasıw hám basqa da hújjetlerdı rásmiylestiriw procesleri úyrenilip, olardaǵı ámeldegi tártiplеrdiń nátijeliligi bahalandı. Elektron sistemanı qollanıw arqalı xizmet kórsetiwdi tezlestiriw hám artıqsha byurokratiyalıq irkiliwlerdi qısqartıw boyınsha alıp barılıp atırǵan jumıslar joqarı bahalandı.

Sonday-aq, puqaralarǵa qolaylıqlar jaratıw, olardıń múrájaatların tez hám sapalı úyrenip shıǵıw, xizmet kórsetiw mádeniyatın joqarı dárjege kóteriw boyınsha jumıslardı jáneda jetildiriw kerek ekenligi atap ótildi.

Xalıq deputatları Qanlıkól rayonlıq Keńesi

Kanalǵa aǵza bolıw: 👇👇👇

📱 Telegram (https://t.me/kanlikul_deputatlar_kenesi_2019) E-Kengash (https://kengash.gov.uz/news?region_id=13&authority_id=362)