Deputatlik nazorat tahlil ishlari davom etmoqda…

Bugun Xalq deputatlari Marg‘ilon shahar Kengashi deputati E.Tursunqulov o‘zi saylangan 10-Bobur saylov okrugida joylashgan ijtimoiy himoyaga muhtoj oilalar xonadonlarida amalga oshirilayotgan qurilish-ta’mirlash ishlarini mahalla yettiligi vakillari bilan joyiga chiqib o‘rgandi.

Mazkur ishlar shahar Kengashining 2026-yil 30-martdagi tegishli qarori asosida amalga oshirilmoqda. Unga ko‘ra, “Infratuzilma va ijtimoiy barqarorlik” jamg‘armasi mablag‘lari hisobidan I-guruh nogironligi bo‘lgan hamda oilasida mehnatga layoqatli a’zolari mavjud bo‘lmagan fuqarolar xonadonlari energiya tejamkor, ya’ni “yashil” texnologiyalar asosida ta’mirlanmoqda.

Deputat tomonidan mazkur ishlarning sifati va muddatlariga alohida e’tibor qaratilib, yashash uchun sharoitni yaxshilash hamda energiya samaradorligini oshirish muhim vazifa ekani ta’kidlandi.