Xalq deputatlari Boyovut tumani Kengashi

Xalq deputatlari Boyovut tumani Kengashi 9-Shirin saylov okrugidan saylangan deputat Xurshid Jo‘raxolovning faoliyatini “Deputat bilan bir kun” loyihasi asosida ommaviy axborot vositalarida yoritish maqsadida bugun “Shirin” mahallasida bir qator o‘rganishlar amalga oshirildi.

🔴Xususan, deputat dastlab mahalla raisi bilan uchrashib, fuqarolardan kelib tushayotgan murojaatlar mazmuni bilan yaqindan tanishdi hamda ularni hal etish yuzasidan fikr almashdi. Shundan so‘ng mahalladagi ko‘p qavatli uylar atrofi va hududlarini obodonlashtirish, sanitariya holatini yaxshilash bo‘yicha aniq chora-tadbirlarni amalga oshirish yuzasidan kelishuvga erishildi.

🔴Shuningdek, deputat mahallada faoliyat yuritayotgan tadbirkor xotin-qizlar bilan uchrashib, ularning ish faoliyati, mavjud imkoniyatlari, taklif va tashabbuslari bilan tanishdi. Bildirilgan takliflarni amaliy qo‘llab-quvvatlash hamda tadbirkorlikni yanada rivojlantirish yuzasidan tegishli tavsiyalar berildi.