Xalıq deputatları Qaraózek rayonlıq Keńesindegi turaqlı komissiya baslıqları hám sekretariat baslıǵı Q.Jaqsımuratov penen birgelikte Respublika ruwxıylıq hám aǵartıw orayı Qaraózek rayonı bóliminde 2026-jıldıń birinshi sheregi dawamında ruwxıy-aǵartıwshılıq jumısları baǵdarında ámelge asırılǵan jumıslar úyrenildi.

Xalıq deputatları Qaraózek rayonlıq Keńesindegi turaqlı komissiya baslıqları hám sekretariat baslıǵı Q.Jaqsımuratov penen birgelikte Respublika ruwxıylıq hám aǵartıw orayı Qaraózek rayonı bóliminde 2026-jıldıń birinshi sheregi dawamında ruwxıy-aǵartıwshılıq jumısları baǵdarında ámelge asırılǵan jumıslar úyrenildi. 

Úyreniw dawamında sociallıq-mánawiy ortalıq turaqlılıǵın támiyinlew, xalqımız, ásirese jaslar arasında kitapqumarlıq mádeniyatın rawajlandırıw boyınsha keń kólemli wazıypalardıń orınlanıwın mákemeler kesiminde úyreniw hám juwmaǵın sessiyada talıqlaw belgilep alındı.

Bunnan soń deputatlar orayda jaratılǵan sharayat hám imkaniyatlar menen tanısıp, kitapqumarlıqtı rawajlandırıw hám úgit-násiyatlaw baǵdarında ilajlar, bólim janında shólkemlestirilgen Qaraózek rayonı tariyxı muzeyindegi eksponatlardı kózden ótkerdi. 

Sonday-aq, eksponatlardıń sanın elede kóbeytiw hám bul baǵdarda xalıq arasında ámelge asırılıwı tiyis wazıypalar belgilenip, deputatlar tárepinen bul baǵdarda saylawshılar arasında keńnen úgit-násiyat jumısların alıp barıw belgilenip alındı.