CHINOZ TUMANIDAGI. “KO‘P QAVATLI UYLARNING ICHKI YO‘LAKLARI VA YERTO‘LALARI HOLATI O‘RGANILDI"

Xalq deputatlari Chinoz tumani Kengashi deputati M.Mirsodiqov hamda Qurilish va uy-joy kommunal xo‘jaligi bosh mutaxassisi I.Bektoshevlar  bilan birgalikda tumandagi Paxtaobod MFY hududida joylashgan ko‘p qavatli uy-joylarning ichki yo‘laklari (pod’ezdlari) va yerto‘lalari holati o‘rganildi.

O‘rganish jarayonida hududlarning sanitariya-gigiyena talablari asosidagi holati, tozaligi, texnik jihatdan saqlanish darajasi hamda aholi uchun xavfsizlik sharoitlari ko‘zdan kechirildi.

Aniqlangan kamchiliklarni bartaraf etish, ichki yo‘laklar va yerto‘lalarda tartib-intizomni mustahkamlash, doimiy nazoratni yo‘lga qo‘yish hamda mavjud infratuzilmani yaxshilash yuzasidan mas’ullarga tegishli tavsiya va ko‘rsatmalar berildi.

Mazkur o‘rganish ishlari ko‘p qavatli uy-joylarda qulay va xavfsiz yashash muhitini ta’minlash, aholi manfaatlarini himoya qilishga qaratilgani bilan ahamiyat kasb etadi.