13- 14 mart kunlari Termiz Tumanida Mahallalarni Obodonlashtirish Tadbirlari Faol bo‘lib o‘tdi

Termiz tumanida “Yashil hudud – sog‘lom muqimlik” loyihasi doirasida umumxalq tozalash va obodonlashtirish tadbirlari davom etmoqda. Loyihaning asosiy maqsadi – mahallalarni tartibli qilish, yashil maydonlarni kengaytirish va aholi uchun qulay muhit yaratish.

Tadbir davomida mahallalardagi daraxt va butalarga ishlov berilib, chiqindilar yig‘ishtirilmoqda, yo‘l bo‘ylari va jamoat joylari tartibga keltirilmoqda. Shuningdek, maktablar, bog‘chalar va ko‘p qavatli uylar atrofi ham obodonlashtirilmoqda.

Hasharda mahalla faollari, yoshlar, nuroniylar, turli tashkilot va muassasalar xodimlari bilan bir qatorda Termiz tuman Kengashi deputatlari ham faol ishtirok etdi. Deputatlar hududlarda tozalash va obodonlashtirish ishlarida bevosita qatnashib, hududlarni tartibga keltirishga o‘z hissalarini qo‘shdilar.

Mazkur tadbirlar mahallalarning ko‘rinishini yaxshilash bilan birga, aholi o‘rtasida birdamlik va hamjihatlik muhitini mustahkamlashga xizmat qilmoqda. Natijada hududlar tartibli, ozoda va yashil ko‘rinishga ega bo‘lmoqda.