Xalq deputatlari Bo‘ston tumani Kengashi deputati, ijtimoiy soha, yoshlar siyosati, madaniyat va sport masalalari bo‘yicha doimiy komissiya raisi R.Sodikova tomonidan tuman Kengashining 2026 yil uchun tasdiqlangan ish rejasiga muvofiq sog‘liqni saqlash sohasida nazorat-tahlil tadbiri o‘tkazildi.

Xalq deputatlari Bo‘ston tumani Kengashi deputati, ijtimoiy soha, yoshlar siyosati, madaniyat va sport masalalari bo‘yicha doimiy komissiya raisi R.Sodikova tomonidan tuman Kengashining 2026 yil uchun tasdiqlangan ish rejasiga muvofiq sog‘liqni saqlash sohasida nazorat-tahlil tadbiri o‘tkazildi.

Mazkur o‘rganish jarayonida aholiga tez tibbiy yordam ko‘rsatish sifati, shuningdek, kafolatlangan bepul tibbiy xizmatlardan foydalanish holati atroflicha tahlil qilindi. 

Tadbir davomida tibbiyot muassasalaridagi mavjud shart-sharoitlar, tez tibbiy yordam xizmatining samaradorligi hamda aholi murojaatlariga munosabat o‘rganildi.

O‘rganish natijalariga ko‘ra, tibbiy xizmatlar sifatini yanada oshirish va aholi uchun qulayliklar yaratish bo‘yicha aniq chora-tadbirlar belgilab olindi.

Bunday nazorat tadbirlari aholi salomatligini muhofaza qilish, tibbiy xizmatlar sifatini yaxshilash va tizimda ochiqlik hamda shaffoflikni ta’minlashda muhim ahamiyat kasb etadi.