AXBOROT-KUTUBXONA MARKAZI FAOLIYATI O‘RGANILDI

Xalq deputatlari Parkent tuman Kengashining 20-Ulug‘bek saylov okrugidan saylangan deputat Sultonov Azimjon Oʻktam oʻg‘li Parkent tumani Axborot-kutubxona markazi faoliyati bilan tanishdi. Oʻrganish jarayonida muassasa kutubxonachilari ish faoliyati, markazda mavjud kitoblar umumiy fondi, kitobxonlar uchun yaratilgan sharoitlar, axborot-kutubxona xizmatlari sifatini oshirish uchun bajarilayotgan ishlar boʻyicha markaz direktori bilan suxbatlashildi. Suxbat jarayonida hozirda muassasada 52040 ta kitoblar mavjudligi, umumiy fondi esa 65816 ta ekanligi hamda kitobxonlar soni 9427 ta ekanligi ma`lum bo‘ldi. Shuningdek tadbirda deputat tomonidan mamlakatimizda qonunchilik sohasida yuz berayotgan o‘zgarish va yangiliklar, qabul qilinayotgan qonun, farmon va qarorlarning mazmun-mohiyati va ahamiyati haqida kutubxona xodimlariga ma’lumot berildi.