Salamat ana - salamat keleshek girewi.

7-aprel - Pútkil jer júzilik densawlıqtı saqlaw kúni múnásibeti menen Taxtakópir rayonında ilaj shólkemlestirildi.

Ilájda Ózbekstan Ekologiyalıq partiyası Taxtakópir rayonlıq Keńesiniń baslıǵı B.Baymbetova hám Xalıq deputatları Taxtakópir rayonlıq Keńesiniń deputatı A.Pirjanovanıń baslaması menen "Qaraoy" APJ aymaǵında jaylasqan 36-sanlı shańaraqlıq poliklinikada shıpaker hám miyirbiykelerdiń qatnasıwında "Salamat ana - salamat bala" atamasında sáwbet shólkemlestirildi.

Bul ilaj tuwrı awqatlanıw, xalqımızdıń ásirlik dástúrlerine súyengen halda "Ana hám bala salamat bolsa, shańaraq bekkem boladı" degen turmıslıq ideyanı keńnen úgit-násiyatlaw, analıq hám balalıqtı qorǵaw sistemasın bunnan bılay da jetilistiriwge qaratıldı.