Deputat mahalla faollari bilan uchrashdi

Karmana tuman Kengashi deputati Sh.N.Nasirova Mirsaid Bahrom mahallasi faollari bilan suhbatlashdi. Bugungi kunda muxtaram Prezidentimiz tomonidan har bir hududni ishsizlikdan holi xududga aylantirish uchun barcha sharoitlarni yaratib berilmoqda. Shu sababli xududdagi ishsiz bo‘lgan fuqarolarni ish bilan ta’minlashda mahalla yettiligi, sektor rahbarlari bilan birgalikda faoliyat olib borilishi so‘raldi. 

Mahalla imkoniyatlaridan, drayveridan kelib chiqib, mavjud dastur va rejalarni yanada boyitish kerakligi faollar bilan kelishib olindi. Ayniqsa, migratsiyadan qaytganlar uchun yangi ish o‘rinlari yaratish va yoshlarni har tomonlama qo‘llab-quvvatlash kabi masalalarga e’tibor qaratib, loyihalarni yanada takomillashtirish bildirildi.