Deputat saylovchilarga axborot berdi.

Uchrashuv davomida hududda mavjud muammolar, ularni bartaraf etish borasida amalga oshirilgan ishlar hamda kelgusidagi rejalar haqida batafsil ma’lumot berildi. Shuningdek, Kengash sessiyalarida ko‘rib chiqilgan dolzarb masalalar, qabul qilingan qarorlar yuzasidan tushuntirishlar berildi.

Alohida e’tibor Qoraqalpog‘iston Respublikasi uchun qabul qilingan hujjatlar mazmun-mohiyatiga qaratilib, ularning aholi farovonligini oshirishdagi ahamiyati ta’kidlandi. Hududda amalga oshirilayotgan qurilish, obodonlashtirish va islohotlar jarayoni haqida ham so‘z yuritildi.

Uchrashuv yakunida fuqarolar tomonidan bildirilgan taklif va murojaatlar tinglanib, ularni hal etish bo‘yicha tegishli choralar belgilandi.