Xalq deputatlari Oqoltin tuman Kengashi

 Aholi murojaatlari joyida hal etilmoqda 

📌Xalq deputatlari Oqoltin tumani Kengashi deputati G.Ismailova tomonidan tumanning Ahillik mahallasida mahalla “yettiligi”, saylovchilar hamda tegishli tashkilot vakillari
ishtirokida ochiq muloqot tarzida uchrashuv o‘tkazildi. 

📊Uchrashuv davomida hudud infratuzilmasini yaxshilash, aholi uchun qulay shart-sharoitlar yaratish, mavjud muammolarni bartaraf etish masalalari keng muhokama qilindi. 

  

🎙Muloqot jarayonida fuqarolar tomonidan qabriston hududini panjara to‘siqlar bilan o‘rash, ichki ko‘chalarga tungi yoritish chiroqlarini o‘rnatish, shuningdek, soliq va kadastr
yo‘nalishlaridagi muammolar yuzasidan qator murojaatlar bildirildi. 

📄E’tiborlisi, uchrashuvda ushbu yo‘nalishlarga mas’ul tashkilotlar vakillari ham ishtirok etib, fuqarolarning murojaatlariga bevosita o‘zlari javob berdilar hamda ayrim masalalar yuzasidan joyida tushuntirishlar berildi. 

  

Xalq deputatlari Oqoltin tumani Kengashi kotibiyati.