Кенгаш раиси маҳаллалардаги фаоллар билан бирга

 Халқ депутатлари Хатирчи туман Кенгаши
раиси И. Мустафоев тумандаги “Новжа”, “Хўжақулобод”, “Икром карвон”,
“Истиқлол”, “Тошқулоқ” ва “Пахтакор” маҳаллаларида “Камбағалликдан фаровонлик
сари” дастури доирасида бириктирилган фаол нуронийлар билан учрашув ўтказди. 

Ушбу учрашув Ўзбекистон Республикаси
Президентининг 2024 йил 25 ноябрдаги ПҚ-405-сонли қарори ҳамда Вазирлар
Маҳкамасининг 2024 йил 27 декабрдаги 892-сонли қарорини ижросини таъминлаш
мақсадида ташкил этилди. Учрашувда мазкур қарорларнинг мазмун-моҳияти, улардан
келиб чиқадиган устувор вазифалар, шунингдек, аҳолини қўллаб-қувватлаш ва
камбағалликни қисқартиришга қаратилган амалий чора-тадбирлар юзасидан фикр
алмашилди. 

Фаол нуронийларнинг жамиятдаги ўрни,
уларнинг маҳаллалардаги ижтимоий-иқтисодий ислоҳотларни амалга оширишдаги
иштироки ва аҳоли билан ишлашдаги аҳамияти алоҳида таъкидланди. 

Шунингдек, нуронийларга Ўзбекистон
Республикасининг 2004 йил 2 декабрда қабул қилинган “Халқ депутатлари вилоят,
туман ва шаҳар кенгаши депутатининг мақоми тўғрисида”ги 706-II-сонли Қонуни
ҳақида тушунчалар берилди.