«Депутат сўрови» ижроси

 Хатирчи тумани Хўжақурғон маҳалласи ҳудудида узоқ
вақтдан буён аҳолини қийнаб келаётган ичимлик суви муаммоси ижобий ҳал этиш
босқичига кирди.  

Аҳоли мурожаатлари атрофлича ўрганилиб,
муаммони бартараф этиш бўйича аниқ чора-тадбирлар белгиланди. Ушбу жараёнда
ҳудуд депутати Д.Эшназаровнинг ташаббуси ва амалий ёрдами муҳим аҳамият касб
этди. Бугунги кунда ҳудудда ичимлик суви
қувурларини тортиш ишлари бошланди. Махсус техникалар жалб этилган ҳолда олиб
борилаётган ишлар орқали хонадонларни босқичма-босқич тоза ичимлик суви билан
таъминлаш кўзда тутилган. Аҳолининг мурожаатларига бефарқ бўлмасдан,
уларни амалда ҳал этиш йўлида кўрсатилаётган эътибор ва саъй-ҳаракатлар юксак
эътирофга лойиқ.