Deputat maktablarda CHQBT fanining o‘tilishi va sharoitlar bilan tanishdi

Xalq deputatlari Pastdarg‘om tuman Kengashi deputati M.Pardayev tomonidan hududdagi umumta’lim maktablarida chaqiruvga qadar boshlang‘ich tayyorgarlik (CHQBT) fanining o‘tilishi hamda ta’lim muassasalarida yaratilgan shart-sharoitlar o‘rganildi. 

 O‘rganish jarayonida o‘quvchilarga berilayotgan bilimlar sifati, amaliyot mashg‘ulotlarining tashkil etilishi, shuningdek, moddiy-texnik baza holatiga alohida e’tibor qaratildi. Ayrim maktablarda mavjud kamchiliklar aniqlanib, ularni bartaraf etish bo‘yicha tegishli mutasaddilarga tavsiya va ko‘rsatmalar berildi. 

 Mazkur o‘rganishlardan ko‘zlangan maqsad – yoshlarni harbiy-vatanparvarlik ruhida tarbiyalash, ularni Vatan himoyasiga tayyorlash va ta’lim sifati hamda shart-sharoitlarni yanada yaxshilashdan iborat.