Deputat nogironligi bo‘lgan fuqarolar yashash sharoiti bilan tanishdi

Hududda istiqomat qilayotgan nogironligi bo‘lgan fuqarolarning turmush sharoitlarini o‘rganish, ularning muammolari va ehtiyojlariga yechim topish maqsadida xalq deputatlari Pastdarg‘om tuman Kengashi deputati H.Sulaymonova tomonidan joylarga tashrif amalga oshirildi.

Tashrif davomida fuqarolar bilan bevosita muloqot qilinib, ularning kundalik hayotida duch kelayotgan muammolari tinglandi. Ayniqsa, ijtimoiy qo‘llab-quvvatlash, tibbiy xizmatlar sifati hamda infratuzilma masalalariga alohida e’tibor qaratildi.

Aniqlangan muammolarni bartaraf etish yuzasidan tegishli tashkilotlarga taklif va tavsiyalar berildi. Bu kabi uchrashuvlar aholining ehtiyojlarini chuqurroq o‘rganish va manzilli yordam ko‘rsatishda muhim ahamiyat kasb etadi. Navbatdagi sessiyada mazkur masala kun tartibiga kiritilgan.