VARZAK MAHALLASIDA YETTILIK FAOLIYATI O‘RGANILDI

Xalq deputatlari Toshloq tuman Kengashi deputati Z. Xalilova hamda kotibiyat bosh mutaxassisi M. Mahmudovlar Varzak mahalla fuqarolar yig‘inida bo‘lib, mahallada yettiligi tomonidan amalga oshirilayotgan ishlar bilan tanishdilar.

Uchrashuv davomida hududda olib borilayotgan ijtimoiy-iqtisodiy islohotlar, aholi bandligini ta’minlash, xotin-qizlarni qo‘llab-quvvatlash, tadbirkorlikni rivojlantirish, shuningdek, ijtimoiy himoyaga muhtoj oilalar xonadonlarida amalga oshirilayotgan ta’mirlash ishlari ko‘zdan kechirildi.

Shuningdek, Toshloq tumanini ijtimoiy-iqtisodiy rivojlantirish bo‘yicha belgilangan chora-tadbirlarni manzilli o‘rganish hamda samarali nazoratni ta’minlash maqsadida mahalla fuqarolar yig‘inidagi xizmat ko‘rsatish loyihalarining holati ham atroflicha o‘rganildi.