TOSHLOQ TUMANIDA “NAVRO‘ZNI ULUG‘LASH, INSONNI ULUG‘LASH!” TADBIRI O‘TKAZILDI

Navro‘z umumxalq bayrami munosabati bilan Toshloq tumanida “Navro‘zni ulug‘lash, insonni ulug‘lash!” shiori ostida keng ko‘lamli tantanali madaniy tadbir tashkil etildi. Ushbu bayram milliy qadriyatlarimiz, urf-odatlarimiz hamda an’analarimizni o‘zida mujassam etgan holda yuqori saviyada o‘tkazildi.

Tadbir avvalida Toshloq tumani hokimi Abduqahhor Djurabayev so‘zga chiqib, barcha tuman aholisini hamda mehmonlarni ushbu qutlug‘ ayyom bilan samimiy muborakbod etib, Navro‘z bayrami insonparvarlik, bag‘rikenglik, mehr-oqibat va yangilanish timsoli ekanligini alohida ta’kidlab o‘tdi.

Shundan so‘ng san’atkorlar tomonidan kuy-qo‘shiqlar, milliy raqslar hamda sahnaviy chiqishlar namoyish etildi. Tadbir davomida milliy taomlar ko‘rgazmalari, xalq o‘yinlari va turli madaniy chiqishlar tashkil etilib, bayramona muhit yanada ko‘tarinki ruhda o‘tdi va ishtirokchilarda unutilmas taassurotlar qoldirdi.

Mazkur bayram tadbirida Xalq deputatlari tuman Kengashi kotibiyati xodimlari hamda deputatlar ham faol ishtirok etdilar