"Bolalarga bering dunyoni"

BOLALARGA BERING DUNYONI!

Xalq deputatlari tuman Kengashi deputatlari G.Allanova, M.Kamolova, I.Raximovlar tashabbusi bilan tumandagi mutasaddi tashkilotlar bilan hamkorlikda Uchquduq tuman Do'stlik mahalla fuqarolar yig'ini hududida joylashgan 18-maktabda "Bolalarga bering dunyoni" shiori ostida ma'naviy-ma'rifiy va sport tadbirlari tashkil etildi. Tadbir davomida jajji bolajonlar tomonidan raqslar ijro etildi, ajoyib she'rlar aytildi. Sportning shaxmat va shashka turidan kichik musobaqa tashkil etilib, faol ishtirok etgan bolajonlarning barchasi, shuningdek raqs ijro etgan, qo'shiq va she'rlar aytgan bolajonlarning ham barchasiga estalik sovg'alar ulashildi.