Deputat ushırasıwı

Xalıq deputatları Bozataw rayonlıq Keńesi sekretariatı baslıǵı Ibragimov Aziz hám 13-sanlı “Porıltaw” saylaw okruginen (“ÓzXDP”) deputat Bisenov Kenjegali “Porıltaw” awılında aymaq turǵınları menen ushırastı.
Ushırasıw barısında turǵınlar tárepinen turmıs sapasın jaqsırtıw, infrastrukturanı rawajlandırıw, sosiallıq reformalardı kúsheytiw siyaqlı birqatar áhmiyetli máseleler kóterildi. Hár bir mashqala itibar menen tıńlanıp, tiysili tártiptе qarap shıǵıw ushın jazıp alındı.
Deputat óz gezeginde bildirgen usınıs hám múrájatlar boyınsha anıq sháralar belgilenip, olardıń orınlanıwı ústinen qadaǵalaw alıp barılatuǵının aytıp ótti. Sonday-aq, xalıq pen tıǵız baylanısta bolıw, olardıń máselelerin óz waqtında sheshiw tiykarǵı baǵdarlardıń biri ekenligi atap ótildi.
Bunday ushırasıwlar xalıq penen deputat arasındaǵı ashıq sóylesiwler alıp barıwǵa járdem etedi, jergilikli máselelerdi anıqlaw hám olarǵa anıq sheshimler tabıwǵa úlken múmkinshilikler jaratadı.