Xalq deputatlari Vobkent tuman Kengashdagi OʻzLiDeP deputatlik guruhining navbatdagi yigʻilishi boʻlib oʻtdi.

Yigʻilishda dastlab deputatlik guruhi rahbari Toʻlqin Joʻrayev muhokama etilayotgan masala yuzasidan deputatlar tomonidan olib borilgan oʻrganishlar yakunlari yuzasidan axborot berdi. 

Kun tartibidagi asosiy masala yuzasidan tuman Inson ijtimoiy xizmatlar markazi boshligʻining hisoboti tinglandi.

Ushbu masala yuzasidan soʻzga chiqqan tuman Nuroniy jamgʻarmasi raisi, mahalliy Kengash deputatlari B.Boboqulov, Oʻzbekiston mahallalar uyushmasi tuman boʻlimi boshligʻi M.Xalimov, tuman Nogironlar uyushmasi raisi B.Ergashevlar va OʻzLiDeP tuman Kengashi raisi oʻrinbosari-apparat rahbari B.Odilovlar ijtimoiy xodimlar tomonidan xonadonbay oʻrganishlar natijasida, ijtimoiy himoyaga muxtoj shaxslarga ijtimoiy ish doirasida keyslar ochilib individual xizmatlar rejasi orqali jtimoiy va hamkor tashkilotlarga yoʻnaltirish natijasida xizmatlar koʻrsatilganligi, joriy yilning 1-choragida keyslar ochilib, ijtimoiy va referal xizmatlar koʻrsatilganligi hamda “Saxovat va koʻmak” jamgʻarmasi mablagʻlari hisobidan arizalar qabul qilinib, “mahalla yettiligi” qarori shakllantirilib, xizmatlar koʻrsatib kelinayotganligi, ogʻir vaziyatga tushib qolgan oilalarga ijtimoiy xodimlar va markaz tomonidan homiylarni jalb etgan holda oziq-ovqat, kiyim-kechak, davolanish, uy-joyni taʼmirlash va moslashtirish yoʻnalishlari, shaxs va oilalarga yordamlar koʻrsatish dolzarb masala ekanligini taʼkidladilar.                         

 Davlat tomonidan berilayotgan mablagʻlarni toʻgʻri yoʻnaltirish va nazaoratga olish, kamchilik va muammolarni bartaraf etish yuzasidan oʻz amaliy takliflarini bildirdilar.