Deputat va Kengash raisi qabulda ishtirok etdi

O‘zbekiston Respublikasi “Jismoniy va yuridik shaxslarning murojaatlari to‘g‘risida”gi Qonun talablariga muvofiq, Toshkent shahar Ekologiya va iqlim o‘zgarishi bosh boshqarmasi boshlig‘i A.A.Rasulovning Xalq deputatlari Mirobod tuman Kengashi raisi X.Z.Kayumov, Mirobod tuman Ekologiya partiyasi bilan birgalikda Mirobod tumani Sharof Rashidov MFY binosida “Sayyor qabul” bo‘lib o‘tdi.  

Ushbu “Sayyor qabul”da mahalla aholisi, deputatlar va jamoat vakillari ishtirok etdi.

Qabulda ekologiya, atrof-muhitni muhofaza qilish, daraxtlarni asrash va ko‘kalamzorlashtirish, atmosfera havosini himoya qilish, shuningdek, tabiiy resurslardan oqilona foydalanish kabi yo‘nalishlarda fuqarolar tomonidan bildirilgan murojaatlar batafsil ko‘rib chiqildi. Mas’ullar tomonidan murojaatlar yuzasidan qonunchilik doirasida tushuntirishlar berildi, ayrim muammolar joyida hal etilib, qolganlari bo‘yicha aniq chora-tadbirlar belgilanadi.

“Sayyor qabul”ning asosiy maqsadi aholining ekologiya sohasidagi muammolarini bevosita joyiga chiqib o‘rganish, samarali muloqot o‘rnatish va amaliy yordam ko‘rsatishdan iborat. Qabul ekologiya masalalariga bag‘ishlangan holda ochiq va konstruktiv ruhda o‘tdi.

Bizni ijtimoiy tarmoqlarda kuzatib boring.

Telegram tarmog‘ida: https://t.me/MirobodKengash 

Facebook tarmog‘ida: https://www.facebook.com/share/p/1CMZpdqxre/