Xalq deputati tomonidan «Yoshlik» mahallasiga biriktirilgan soliq inspektori zimmasiga yuklatilgan vazifalarning bajarilish holati atroflicha o‘rganildi.

Tuman Kengashi deputati Allaerov Sobirjon Baxtiyorovich tomonidan soliq inspektori faoliyati, xususan, mahalla aholisidan mahalliy soliqlarni undirish, soliq to‘lovchilar bilan ishlash, tushuntirish targ‘ibot tadbirlarini olib borish hamda to‘lov intizomini mustahkamlash borasida amalga oshirilayotgan ishlar bilan yaqindan tanishib chiqildi.

O‘rganish jarayonida soliq tushumlarini oshirish, qarzdorliklarni kamaytirish va aholining soliq madaniyatini yuksaltirish bo‘yicha amalga oshirilayotgan chora-tadbirlar tahlil qilindi. Shuningdek, mavjud muammo va kamchiliklar aniqlanib, ularni bartaraf etish yuzasidan tegishli tavsiyalar berildi.

Deputat tomonidan kelgusida soliq tushumlarini yanada ko‘paytirish, aholiga qulaylik yaratish hamda soliq to‘lovchilarga xizmat ko‘rsatish sifatini oshirish maqsadida amaliy choralarni kuchaytirish zarurligi ta’kidlandi.