Qaror ijrosi amalda: o‘rganish natijalari

O‘zbekiston Respublikasi Prezidentining 2024-yil 23-sentabrdagi “Kambag‘allikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risidagi PQ-330-sonli qaroriga muvofiq, Sirdaryo viloyatida eng og‘ir mahallalarda sug‘orish tarmoqlarini yaxshilashga qaratilgan loyihalar amalga oshirilmoqda.

Mazkur qarordan kelib chiqib, Guliston shahri “Istiqlol” MFY hududida aholi tomorqa yerlarini sug‘orish tizimini yaxshilash maqsadida quvur tarmog‘ini tortish hamda sug‘orish qudug‘i qurish loyihasi kiritilgan.

🔎 Ushbu loyiha ijrosi joyiga chiqqan holda o‘rganildi.

O‘rganishda Xalq deputatlari Guliston shahar Kengashi kotibiyati mudiri Voxid Xasanov hamda bosh mutaxassis Javlon Ashurboyev ishtirok etdi.

✅ O‘rganish davomida mazkur loyiha doirasida amalga oshirilgan ishlar haqiqatda yo‘lga qo‘yilgani, sug‘orish infratuzilmasi yaxshilanib, aholi tomorqalarini suv bilan ta’minlash tizimi sezilarli darajada yaxshilanayotgani aniqlandi.

🤝 Mazkur amaliy ishlar aholining daromad manbalarini kengaytirish, tomorqalardan samarali foydalanish hamda farovonligini oshirishga xizmat qilmoqda.