“Manfaatlar to‘qnashuvi to‘g‘risida”gi Qonun targ‘iboti o‘tkazildi

Xalq deputatlari Termiz tuman Kengashi deputati N.Ruziyeva tomonidan O‘zbekiston Respublikasining 2024-yilda qabul qilingan “Manfaatlar to‘qnashuvi to‘g‘risida”gi Qonuni (O‘RQ–931) mazmun-mohiyatini keng jamoatchilikka yetkazish maqsadida targ‘ibot tadbiri o‘tkazildi.

Tadbir davomida mazkur Qonunning asosiy maqsadi — davlat organlari va tashkilotlarida ochiqlik, shaffoflik hamda halollik tamoyillarini mustahkamlash, manfaatlar to‘qnashuvining oldini olish va korrupsion holatlarni bartaraf etishga qaratilgani ta’kidlandi.

Deputat o‘z so‘zida manfaatlar to‘qnashuvi tushunchasi, uning yuzaga kelish sabablari, aniqlash va bartaraf etish mexanizmlari haqida batafsil tushuntirish berdi. Shuningdek, davlat xizmatchilari va mansabdor shaxslarning majburiyatlari, ularning shaxsiy manfaatlari xizmat vazifalariga ta’sir ko‘rsatmasligi lozimligi alohida qayd etildi.

Uchrashuv yakunida ishtirokchilarni qiziqtirgan savollarga javob berilib, qonun ijrosini ta’minlash har bir rahbar va xodimning mas’uliyatli burchi ekani ta’kidlandi.

Mazkur targ‘ibot tadbiri aholining huquqiy ongi va madaniyatini yuksaltirishga xizmat qiladi.