Deputalarning ijtimoiy tarmoqlardagi haftalik chiqishlari reja-jadvalining ijrosi

Xalq deputatlari Jaro'rg'on tuman Kengashi deputati N.Shomurodov o'z saylov okrugidagi "Oltintepa" mahallasida "Mahalla yettiligi" hamda mahalliy aholi vakillari bilan samimiy uchrashuv o‘tkazdi. Muloqot davomida tumanni ijtimoiy-iqtisodiy rivojlantirishga qaratilgan davlat dasturlari va istiqbolli loyihalarning bugungi kundagi ijro holati atroflicha tahlil qilindi.

Deputat hududdagi bunyodkorlik ishlarini ko‘zdan kechirish jarayonida, ayni paytda jadal sur’atlarda davom etayotgan yangi davlat maktabgacha ta’lim tashkilotining qurilish maydonida bo‘lib, ish sifati va muddatlarini o‘rgandi.

O'rganishlar yuzasidan tumandagi “Oltintepa” mahalla fuqarolar yig‘ini hududidagi mavjud 75 o‘rinli bino o‘rnida 90 o‘rinli yangi 13-sonli davlat maktabgacha ta’lim tashkilotining qurish rekonstruksiya qilish ishlari hamda mahalladagi oilaviy shifokorlik punkti faoliyati bilan tanishildi. 

Uchrashuv yakunida aholi tomonidan ko‘tarilgan murojaatlar tinglanib, aniqlangan kamchiliklarni bartaraf etish yuzasidan deputatlik nazorati o'rnatilib, tuman taraqqiyoti yo‘lidagi loyihalarni o‘z vaqtida yakunlash bo‘yicha mas’ullarga tegishli tavsiyalar berildi.