Tashabbusli budjet natijalari Zarbdor tumanida muhokama qilindi

Oliy Majlis Qonunchilik palatasi deputati Muqaddas Urazaliyeva hamda O'z XDP Jizzax viloyati Kengashi raisi Nuriddin Xolmatov tashabbusli budjet natijalari yuzasidan Zarbdor tumani hokimi Bekzod Tashpulatov bilan uchrashdi.

Uchrashuv davomida hududda amalga oshirilgan loyihalar, ajratilgan mablag‘larning samaradorligi hamda aholi tomonidan ilgari surilgan tashabbuslarning bajarilish jarayoni atroflicha muhokama qilindi. Shuningdek, kelgusida tashabbusli budjet doirasida amalga oshirilishi rejalashtirilayotgan ustuvor yo‘nalishlar yuzasidan fikr almashildi.

Tomonlar hududni yanada obodonlashtirish, ijtimoiy infratuzilmani rivojlantirish hamda aholi farovonligini oshirishga qaratilgan loyihalarni izchil davom ettirish zarurligini ta’kidladilar.