📌 Fuqarolar sog‘lig‘ini saqlash sohasida qonun ijrosi o‘rganildi

Xalq deputatlari Ishtixon tuman Kengashi deputati J.Rasulov tomonidan O‘zbekiston Respublikasining 1996-yil 29-avgustda qabul qilingan “Fuqarolar sog‘lig‘ini saqlash to‘g‘risida”gi 265-I-sonli Qonuni o‘rganilib, uning joylarda ijrosi tahlil qilindi.

Xususan, qonunning 30-moddasida belgilangan shoshilinch va tez tibbiy yordam ko‘rsatish tartibiga amal qilinishi masalasi alohida e’tiborga olindi.

🩺 Mazkur modda talablariga ko‘ra:

• Fuqarolar har qanday davolash-profilaktika muassasasida shoshilinch tibbiy yordam olish huquqiga ega;

• Tibbiyot xodimlari shoshilinch yordam ko‘rsatishi shart va bundan bosh tortganlik uchun javobgarlik mavjud;

• Tez tibbiy yordam maxsus xizmatlar orqali belgilangan tartibda amalga oshiriladi;

• Zarurat tug‘ilganda bemorni yetkazish uchun har qanday transport vositasidan foydalanishga ruxsat etiladi.

🔍 O‘rganish davomida mazkur qonun talablariga amal qilinishi, aholiga tezkor va sifatli tibbiy xizmat ko‘rsatish masalalari muhimligi qayd etildi.

⚖️ Fuqarolar sog‘lig‘ini saqlash — ustuvor vazifa bo‘lib, qonun ijrosini ta’minlash barchamizning mas’uliyatimizdir.