Deputat máhállede Nawrız bayramında boldı

Bozataw rayonı “Qusxanataw” APJ aymaǵında jaylasqan “Qándekli” awılında “Nawrızdı ulıǵlaw - insandı ulıǵlaw” súreni astında Nawrız ulıwmaxalıqlıq bayramı ótkerildi.

Bolıp ótken bayram ilajına 2-sanlı "Erik bag" okrugi deputatı, rayon hákimi B.Ubbiniyazov hám tiyisli taraw basshıları, nuraniyler hámde awıl turǵınları qatnastı. 

Ilajda 2-"Erik bag" okrugi deputatı, rayon hákimi B.Ubbiniyazov sózge shıǵıp, “Nawrız” ulıwma xalıqlıq bayramı menen pútkil “Qándekli” awılı xalqın qızǵın qutlıqladı hám hár bir shańaraqqa amanlıq, bekkem densawlıq, elimizge awızbirshilik, dastúrxanımızǵa molshılıq tiledi.

Bayramda milliyligimizdi ózinde sáwlelendirgen saxnalıq kórinisler, milliy qosıqlar, milliy taǵamlar hám kiyimler kórgizbeleri jıynalǵanlar názerine usınıldı.