Халқ депутатлари Янгиқўрғон туман Кенгаши депутати Отабоев Фахриддин Жўрабоевич томонидан сайлов округи ҳудудидаги мактаб фаолияти ўрганилди.

Ташриф давомида мактабда таълим-тарбия жараёнларининг ташкил этилиши, ўқувчилар учун яратилган шарт-шароитлар ҳамда таътил даврида ўқувчиларнинг бўш вақтларини мазмунли ташкил этиш мақсадида йўлга қўйилган тўгараклар фаолияти билан яқиндан танишилди.

Шунингдек, тўгарак машғулотларининг самарадорлиги, ўқувчиларнинг қизиқишлари ва уларнинг бўш вақтларини фойдали ўтказишга қаратилган ишлар юзасидан масъуллар билан фикр алмашилди.

Бундай ўрганишлар ёш авлоднинг билим олиши, қизиқишларини қўллаб-қувватлаш ва уларни ҳар томонлама баркамол этиб тарбиялашда муҳим аҳамият касб этади.