"Кўкча" маҳалласида ёшлар масалаларига бағишланган учрашув ташкил этилди

"Кўкча" маҳалласида ёшлар масалаларига бағишланган учрашув ташкил этилди

Халқ депутатлари туман Кенгаши депутати Хафиза Ширинова ўзи сайланган округ — тумандаги "Кўкча" маҳалласида ёшлар масалаларига бағишланган учрашув ташкил этиб, маҳалла раиси, ёшлар етакчиси ҳамда ҳудуднинг фаол ёшлари билан мулоқот қилди.

Учрашув давомида маҳалладаги ёшлар етакчиси томонидан амалга оширилаётган тадбирлар самарадорлиги, ёшлар бандлиги, уларнинг бўш вақтини мазмунли ташкил этиш ва замонавий касб-ҳунарларга йўналтириш бўйича ишлар муҳокама қилинди.

Шунингдек, ёшлар томонидан билдирилган мурожаатлар, хусусан, иш билан таъминлаш, касб ўрганиш ва ўз салоҳиятини рўёбга чиқариш юзасидан муаммолар ҳамда уларнинг ечими бўйича амалий чора-тадбирлар белгилаб олинди.