Deputatlıq úyreniwler

Xalıq deputatları Bozataw rayonlıq Keńesi deputatları, sekretariat bas qánigesi hám “ÓzLiDeP” Qaraqalpaqstan Respublikası Bozataw rayonı Keńesi baslıǵı orınbasarı menen birgelikte kóp qabatlı turaq jaylardıń ishki jolları (podyezdleri), podvallari, átirapındaǵı maydannıń tazalıǵı hám jaqtılandırılıw jaǵdayları boyınsha úyreniw jumısların alıp bardı.

Rayonımızdıń kórkine kórik qosıp turǵan házirgi zamanagoy jaylarımızdıń salınıp atırǵan bir waqıtta rayondaǵı “Qaraqalpaqstannıń 60 jıllıǵı” kóshesi boyında jaylasqan 4 qabattan ibarat bolǵan kóp qabatlı turaq jaydıń sırtqı, ishki kórinisleri hámde dala átirapı ashınarlı jaǵdayǵa kelip qalǵanlıǵına gúwa boldı.

  Deputatlar tárepinen aymaq turǵınları hám Basqarıw kompaniyası wákillerine átirap tazalıǵina itibar berip abadanlastırıw jumısların alıp barıwdı usınıs etti.

Abadanlastırıw jumısları tek ǵana sırtqı kórinisti emes, al xalıqtıń qáwipsizligi, densawlıǵı hám turmıs sapasına unamlı tásir etetuǵınlıǵın atap ótti.