«Aspantay» APJdaǵı sport zallarınıń sharayatları - deputat qadaǵalawında!

Xalıq deputatları Bozataw rayonlıq Keńesi 13-sanlı «Porlıtaw» saylaw okruginen deputat K.Bisenov tárepinen Aspantay APJ aymaǵında jaylasqan 12-sanlı mekteptiń sport zalınıń jaǵdayı úyrenildi.

Úyreniw dawamında mektepte jaslardıń denetárbiya hám sport penen shuǵıllanıwı ushın jaratılǵan imkaniyatlar, sport zalınıń jaǵdayı, bar inventarlar hám olardıń jeterlilik dárejesi kózden ótkerildi. Sonıń menen birge, oqıwshılardıń sportqa bolǵan qızıǵıwshılıǵı hám olardı qollap-quwatlaw baǵdarında ámelge asırılıp atırǵan jumıslar tallandı.

Bul úyreniwden tiykarǵı maqset - bilimlendiriw mákemelerinde salamat turmıs tárizin úgit-násiyatlaw, oqıwshılar ushın zamanagóy hám qolaylı sport sharayatların jaratıw, bar mashqalalardı anıqlap, olardı saplastırıwdan ibarat.