Xalq deputatlari Boyovut tumani Kengashi

Xalq deputatlari Boyovut tumani Kengashi 21-Anorzor saylov okrugi deputati, 7-sonli oilaviy poliklinika hamshirasi Dilbar Rustamova o‘zining amaliy tajribasidan kelib chiqib, fuqarolar hamda bemorlar uchun bepul tibbiy ko‘rik tashkil etdi.

Tadbir davomida fuqarolarning salomatligi ko‘zdan kechirilib, mavjud kasalliklar bo‘yicha zarur tavsiyalar berildi. Shuningdek, vrachlar tomonidan tavsiya etilayotgan dori vositalarini to‘g‘ri qabul qilish tartibi hamda ularni saqlash qoidalari yuzasidan batafsil tushuntirishlar berildi.

Mazkur tashabbus aholi o‘rtasida sog‘lom turmush tarzini targ‘ib etish, kasalliklarning oldini olish va tibbiy madaniyatni yuksaltirishga xizmat qiladi.