🏥 Porıltaw máhállesinde, tez medicinalıq járdem kórsetiw punktin úyreniw.

Xalıq deputatları Bozataw rayonlıq Keńesiniń háptelik is rejesine tiykar rayonlıq Keńes deputatları hápte dawamında bir qansha úyreniwler hám ilajlarǵa qatınasıw belgilengen.

Usınday úyreniwler búgin Bozataw rayonı Aspantay APJ Porıltaw máhállesinde Xalıq deputatları rayonlıq Keńesinen 13-sanlı «Porlitaw» saylaw okruginen deputat K.Bisenov hám Keńes sekretariatı bas qánigesi S.Alimovlar birgelikte Porıltaw ASHPde bolıp xalıqqa óz waqtında sıpatlı medicinalıq járdem kórsetiliw jaǵdayın úyrenip olarda ushırasıp atırǵan mashqalalar menen jaqınan tanısdı.

Keyingi jıllarda Mámleketimizde hár bir puqara ushın joqarı sapalı hám qánigeli medicinalıq xızmet sistemasın jaratıw áhmiyetli wazıypa sıpatında belgilenip, bul baǵdarda keń kólemli reformalar ámelge asırılıp atırǵanı hámmemizge jaqsı belgili.

Sońǵı jılları medicina tarawınıń ózine 230 trillion swm qaratıldı. Sonıń esabınan orınlarda 187 jańa poliklinika hám emlewxana iske qosıldı, 1 mıń 244 i rekonstrukciyalanıp, úskenelendi.

Búgingi kúnde tez medicinalıq járdem xızmeti zamanagóy texnologiyalar menen támiyinlengen. 

 Arnawlı úskenelengen avtomobiller, joqarı tájiriybeli shıpakerler hám dispetcherlik sisteması arqalı shaqırıqlarǵa qısqa waqıt ishinde juwap berilmekte. Ásirese, sanlı texnologiyalar arqalı shaqırıqlardı qabıl etiw hám baǵdarlaw sisteması xızmet nátiyjeliligin arttırmaqta.