Tibbiy xizmat ko‘rsatish holati

 Xalq deputatlari Guliston shahar Kengashi
deputati M. Bektasheva tomonidan "Madaniyat" MFY aholisiga tibbiy xizmat
ko‘rsatish holati bo‘yicha o‘rganish o‘tkazildi. 

🔍 O‘rganish natijalari yuzasidan Guliston shahar 2-oilaviy poliklinikasida aholiga xizmat ko‘rsatish jarayoni tahlil
qilinganda quyidagilar aniqlandi: 

✅Ijobiy natijalar:  

• Qabul hajmi: Poliklinika kuniga o‘rtacha 150 nafar fuqaroni
  qabul qilmoqda. 
• Raqamlashtirish: Elektron navbat va onlayn ro‘yxatdan
  o‘tish tizimi muvaffaqiyatli yo‘lga qo‘yilgan. 
• Qulaylik:
  Tahlil (analiz) topshirish va javoblarini olish jarayoni soddalashtirilgan. 
• Ta’minot:
  Dori-darmon va imtiyozli toifadagi shaxslarga beriladigan vositalar yetarli
  darajada. 

⚠️ Hal etilishi lozim bo‘lgan masalalar:  

• 🚑 Kadrlar yetishmovchiligi:
  Pediatr, terapevt, kardiolog va okulist kabi mutaxassislarga ehtiyoj bor. 
• ⚙️ Moddiy-texnik baza: Tibbiy uskunalarni,
  xususan EKG qurilmalarini zamonaviylariga almashtirish talab etiladi. 

📢 Deputat taklifi: "Madaniyat" MFY aholisiga ko‘rsatilayotgan tibbiy xizmat sifatini tubdan yaxshilash uchun muassasaning moddiy-texnika bazasini yanada takomillashtirish va malakali kadrlar bilan to‘ldirish bo‘yicha yuqori tashkilotlarga takliflar kiritildi. 

Biz uchun har bir fuqaroning salomatligi
va roziligi ustuvor vazifadir!