Yoshlar maslahat guruhining yig'ilishi bo'lib o'tdi

Bugun xalq deputatlari Jarqo‘rg‘on tuman Kengashi huzuridagi Yoshlar maslahat guruhining yig‘ilishi bo‘lib o‘tdi.

Yig'ilishni Yoshlar maslahat guruhi rahbari A.Ernazarov olib borib, Yoshlar maslahat guruhining maqsadi va vazifalari haqida tushuntirishlar berildi. Mazkur tadbirda tuman Yoshlar ishlari agentligi bo‘lim boshlig‘i o‘rinbosari, ijro hokimiyati vakili hamda tuman Kengashi kotibiyati xodimlari ishtirok etishdi.

Yig‘ilish davomida tumandagi yoshlarning bugungi kunda duch kelayotgan dolzarb muammolarini tizimli aniqlash masalalari atroflicha ko‘rib chiqildi. Shuningdek, aniqlangan kamchiliklarni bartaraf etish va yoshlar tashabbuslarini qo‘llab-quvvatlashga doir muhim takliflar muhokama qilindi.

Mutasaddi vakillar tomonidan yoshlar bandligini ta’minlash va ularning bo‘sh vaqtini mazmunli tashkil etish bo‘yicha aniq vazifalar belgilab olindi. Muloqot davomida deputatlar va yoshlar o‘rtasidagi hamkorlik aloqalarini yangi bosqichga ko‘tarish zarurligi alohida ta’kidlandi.

Yakunda bildirilgan barcha takliflar umumlashtirilib, kelgusidagi chora-tadbirlar rejasi muvofiqlashtirildi.