Komissiya faoliyati

Yig'ilishni komissiya raisi o'rinbosari R.Xamrayev olib borib, unda mutasaddi tashkilot rahbarlari hamda mas’ul xodimlar ishtirok etib, hududdagi ijtimoiy-iqtisodiy holatni atroflicha tahlil qildilar. 

Yig‘ilish davomida kambagʻallik darajasini qisqartirish boʻyicha maqsadli koʻrsatkichlar ijrosini taʼminlash borasida ijro etuvchi hokimiyat organlari tomonidan amalga oshirilgan ishlar muhokama qilindi. Shuningdek, tuman Kambag'allikni qisqartirish va bandlik bo'limi rahbarining mazkur yoʻnalishdagi faoliyati toʻgʻrisidagi axboroti eshitildi.

Muhokamalar yakunida oilaviy tadbirkorlikni rivojlantirish, “Biznesga birinchi qadam” dasturlari hamda mikromoliya tashkilotlari orqali kreditlar ajratishni kengaytirish hamda har bir mahalla kesimida aholi bandligini ta’minlash va tadbirkorlikni rivojlantirish bo‘yicha aniq vazifalar belgilab olindi. 

Mutasaddilarga kambag‘allikni qisqartirish bo‘yicha belgilangan chora-tadbirlar ijrosini qat’iy nazoratga olish yuzasidan tegishli topshiriqlar berildi.