XALQ DEPUTATLARI PARKENT TUMAN KENGASHINING NAVBATDAGI SESSIYA OLDI DOIMIY KOMISSIYA YIG'ILISHI BO‘LIB O‘TDI.

Bugun Xalq deputatlari Parkent tuman Kengashining Agrar, suv xo‘jaligi va ekologiya masalalari bo‘yicha doimiy komissiyasining navbatdagi yig‘ilishi bo‘lib o‘tdi. Yig‘ilishda tuman Kengashi raisi F. Dadamatov, Kengash kotibiyati mudiri M. Berdiqulova, tuman hokimining o‘rinbosari Sh. Akramov, doimiy komissiya raisi va a’zolari, kotibiyat bosh mutaxassislari hamda tegishli tashkilot rahbarlari ishtirok etdilar. Yig‘ilish kun tartibida 2 ta masala ko‘rib chiqildi. Jumladan, O‘zbekiston Respublikasi Prezidentining 2026-yil 5-fevraldagi “Ko‘p kvartirali uylarni boshqarish tizimini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-48-sonli Qarori ijrosi hamda tuman Obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari bo‘yicha 2026-yil uchun dastlabki manzilli dasturni tasdiqlash masalalari yuzasidan tuman hokimining o‘rinbosari Sh. Akramovning hisobotlari dastlabki tarzda ko‘rib chiqilib, muhokama qilindi. Yig‘ilish yakunida kun tartibidagi masalalar yuzasidan doimiy komissiyaning tegishli qarorlari qabul qilindi.