Yangi Dehqon bozori qurilishi doimiy nazoratda

G‘ozg‘on shahar hokimi, Xalq deputatlari G‘ozg‘on shahar Kengashi deputati N.Jo‘rayev hamda tegishli mas’ullar Tumar MFY hududida barpo etilayotgan “Yangi Dehqon” dehqon bozorining qurilish jarayonini joyiga chiqib o‘rganishdi.

Tashrif davomida qurilish ishlari holati, loyiha talablari asosida olib borilayotgan jarayonlar hamda infratuzilma masalalari atroflicha ko‘zdan kechirildi. Shuningdek, mas’ullar bilan joyida muzokaralar o‘tkazilib, mavjud kamchiliklarni bartaraf etish, ishlar sifatini yanada oshirish va bozorni belgilangan muddatda foydalanishga topshirish bo‘yicha aniq topshiriqlar berildi.

Mazkur bozor aholiga qulaylik yaratish, savdo jarayonlarini tartibli tashkil etish hamda shahar infratuzilmasini yanada rivojlantirishga xizmat qilishi ta’kidlandi. Qurilish jarayoni doimiy nazorat ostida olib borilishi belgilandi.