Chinoz tumani. Maktablarda kutubxonalar faoliyati o‘rganildi.

Xalq deputatlari Chinoz tumani Kengashi deputati Alimjon Adilbekov tumandagi Eshonobod hududida joylashgan 20-sonli umumta’lim maktabida bo‘lib, ta’lim muassasasidagi kutubxonalar faoliyati va mavjud shart-sharoitlari bilan tanishib chiqdi.

📝O'rganish davomida deputat maktab kutubxonasining moddiy-texnik bazasi, o‘quvchilar uchun yaratilgan qulayliklar, mavjud adabiyotlar fondi hamda ularning yangilanib borish jarayonini ko‘zdan kechirdi. 

📚Muloqot jarayonida maktab ma’muriyati va kutubxona xodimlari tomonidan mavjud muammolar, jumladan, badiiy va ilmiy-ommabop adabiyotlar fondini boyitish, yangi avlod darsliklari bilan ta’minlash hamda elektron kutubxona imkoniyatlarini kengaytirish bo‘yicha taklif va mulohazalar bildirildi.

📕Mazkur o'rganish yosh avlodning bilim olishi, kitobxonlik madaniyatini yuksaltirish va ta’lim tizimida samaradorlikni oshirish yo‘lidagi amaliy ishlarning uzviy davomi sifatida e’tirof etildi.