Kengash raisining saylovchilar bilan uchrashuvi o‘tkazildi

🔹Xalq deputatlari Marg‘ilon shahar Kengashi raisi O.Axmatshayev tomonidan Tut tagi MFYda saylovchilar bilan uchrashuv tashkil etildi.
🔹Mazkur uchrashuvda shahar Kengashi kotibiyati mudiri A.Ermatov, hudud deputati X.Abdurahmonov, shahar Kengashi deputati A.Mahkamov, “Madad” nodavlat notijorat huquqiy maslahat byurosi Marg‘ilon shahar bosh mutaxassisi S.Ismoilov hamda mahalla yettiligi, obodonlashtirish bo‘limi boshlig‘i o‘rinbosari, kommunal soha vakillari ishtirok etdilar.
🔹Uchrashuv davomida fuqarolar tomonidan hududdagi dolzarb masalalar yuzasidan murojaatlar bildirildi. Xususan, Bobur ko‘chasidagi piyodalar yo‘lagiga noqonuniy to‘siqlar o‘rnatilgani, mahalla guzari binosini ta’mirlash zarurati hamda infratuzilma bilan bog‘liq boshqa muammolar ko‘tarildi.
🔹Bildirilgan murojaatlar yuzasidan mas’ul tashkilotlar ishtirokida muhokamalar o‘tkazilib, ularni bartaraf etish bo‘yicha aniq vazifalar belgilab olindi. Ayrim masalalar bo‘yicha tezkor choralar ko‘rish, qolgan murojaatlarni esa belgilangan tartibda nazoratga olib deputatlik oʻrganishi tashkil etish belgilandi.
🔹Bunday uchrashuvlar aholi bilan bevosita muloqotni yo‘lga qo‘yish, ularning muammolarini o‘z vaqtida aniqlash va samarali hal etishda muhim o‘rin tutadi.