Olmazor tumanida “Yashil makon” umummilliy loyihasi doirasida ko‘chat ekish tadbiri o‘tkazildi

Davlatimiz rahbarining har o‘nta mahallaga bittadan bog‘ barpo etish tashabbusi hamda “Yashil makon” umummilliy loyihasi doirasida Olmazor tumanida “Men ham ko‘chat ekaman” shiori ostida navbatdagi ekologik tadbir tashkil etildi.

Tadbir davomida tuman hududida mevali va manzarali daraxt ko‘chatlari ekilib, yashil hududlarni kengaytirishga alohida e’tibor qaratildi.

Mazkur tadbir tuman hokimi boshchiligida o‘tkazilib, unda xalq deputatlari Olmazor tumani Kengashi deputatlari, tumandagi korxona va tashkilotlar vakillari faol ishtirok etdilar.

Bunday ezgu tashabbuslar hududda ekologik muhitni yaxshilash, yashil hududlar ko‘lamini kengaytirish hamda kelajak avlod uchun yanada obod va musaffo muhit yaratishga xizmat qiladi.