Deputatlar tomonidan hududdagi qurilish va ta’lim muassasalari faoliyati nazorat-tahlil qilindi

Xalq deputatlari Qiziriq tumani Kengashi deputati B.Mo‘minov Xalq deputatlari Qiziriq tumani Kengashi deputatlarining o‘z saylangan okrugi hududidagi mahallalarda fuqarolar bilan uchrashuv va qabullar o‘tkazish, o‘rganishlar olib borish hamda ushbu faoliyatni ijtimoiy tarmoqlar, televideniye, radio va bosma nashrlarda yoritib borish bo‘yicha tasdiqlangan reja-jadvalga muvofiq Kengash kotibiyati mudiri K.Muhammadiyev bilan birgalikda joylarga chiqdi.

️O‘rganishlar davomida deputatlar O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari hamda oliy darajadagi tashriflar davomida erishilgan kelishuvlar yuzasidan ishlab chiqilgan “yo‘l xaritalari”da Qiziriq tumanini ijtimoiy-iqtisodiy rivojlantirish yuzasidan belgilangan chora-tadbirlarning ijrosini manzilli o‘rganish hamda samarali nazoratni amalga oshirish rejasi asosida “Karmaki” mahallasida joylashgan 33-maktabda olib borilayotgan qurilish ishlari joyiga chiqqan holda o‘rganildi. Qurilish jarayonining borishi, ishlarning sifati hamda belgilangan muddatlarda yakunlash masalalari yuzasidan mas’ullar bilan fikr almashildi.

Shuningdek, hududdagi 20-maktabgacha ta’lim tashkiloti faoliyati bilan tanishilib, mavjud muammolar o‘rganildi. Aniqlangan kamchiliklarni bartaraf etish hamda muassasa faoliyatini yanada yaxshilash maqsadida tegishli tashkilotlarga deputatlik so‘rovi kiritish rejalashtirildi.

Qiziriq tumani Kengashi Axborot xizmati

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)