DEPUTATNING SAYLOVCHILAR BILAN UCHRASHUVI BO‘LIB O‘TDI

Xalq deputatlari Farg‘ona viloyat Kengashi deputati G‘ofurova Zebixon Sodiqovnaning 12-Ipakchi saylov okrugi saylovchilar bilan uchrashuvi (https://t.me/kengash_margilon/2101) bo‘lib o‘tdi. Uchrashuv Bahrin MFY binosida tashkil etildi.

Mazkur uchrashuvda Xalq deputatlari Marg‘ilon shahar Kengashi kotibiyat mudiri A.Ermatov, hududdan shahar Kengashi deputati M.Raimdjanov, shahar Kengashi deputati A.Mahkamov, shuningdek, saylov okrugidagi mahallalar vakillari, kommunal soha rahbar va xodimlari hamda hududiy poliklinika bosh vrachi ishtirok etdilar.

Uchrashuv davomida deputat tomonidan hududda amalga oshirilayotgan ijtimoiy-iqtisodiy islohotlar, aholi turmush farovonligini oshirish, infratuzilmani yaxshilash hamda fuqarolarning murojaatlarini o‘z vaqtida ko‘rib chiqish bo‘yicha olib borilayotgan ishlar yuzasidan ma’lumot berildi.

Shuningdek, fuqarolar bilan ochiq muloqot o‘tkazilib, ular tomonidan hududni obodonlashtirish, kommunal xizmatlar sifati, ichimlik suvi ta’minoti, tibbiy xizmat ko‘rsatish va boshqa dolzarb masalalar yuzasidan murojaatlar bildirildi. Bildirilgan taklif va muammolar mas’ul tashkilotlar vakillari ishtirokida muhokama qilinib, ularni bartaraf etish bo‘yicha tegishli vazifalar belgilandi.

Uchrashuv yakunida fuqarolar murojaatlari ijrosi ustidan deputatlik nazoratini kuchaytirish, hududlarda mavjud muammolarni joyida o‘rganish hamda ularni mutasaddi tashkilotlar bilan hamkorlikda hal etish ishlari izchil davom ettirilishi ta’kidlandi.