Deputat tomonidan “Barkamol avlod” bolalar markazi faoliyati o‘rganildi

Xalq deputatlari Pastdarg'om tuman Kengashi deputati J.Ochilov tomonidan tumandagi “Barkamol avlod” bolalar markazi faoliyati o‘rganildi. O‘rganish jarayonida markazda yoshlarning bo‘sh vaqtini mazmunli tashkil etish, ularning qiziqish va iqtidorlarini rivojlantirish borasida amalga oshirilayotgan ishlar bilan yaqindan tanishildi.

Ma’lum qilinishicha, markazda bugungi kunda 49 ta to‘garak faoliyat yuritmoqda. Ushbu to‘garaklarga 1600 nafar o‘quvchi jalb qilingan bo‘lib, ular 14 xil yo‘nalish bo‘yicha bilim va ko‘nikmalarini oshirib kelmoqda.

O‘rganish davomida to‘garak mashg‘ulotlari jarayoni, o‘quvchilar uchun yaratilgan shart-sharoitlar hamda ta’lim jarayonining sifati bilan tanishildi. Shuningdek, markaz faoliyatini yanada rivojlantirish, yoshlarning qiziqishlarini qo‘llab-quvvatlash yuzasidan fikr-mulohazalar bildirildi.